الناس مفكرين إننا في الحقيقة.. هذه بعض التصريحات التي قالها أحمد العوضي عن دور جابر أمام مهرة و هي ياسمين عبد العزيز في مسلسل ضرب نار، لكن لماذا رفعت مهرة قضية الخلع على جابر؟، كل هذا سنعرفه في التالي:
الفنانة ياسمين عبد العزيز وزوجها الفنان أحمد العوضي عاملين دوتو حلو أوي مع بعض في الأعمال الدرامية، وده اللي بيخليهم لما يشتغلوا مع بعض في أي عمل بيقدروا ينجحوه.
مش بس كده ده الكيميا اللي بين الاتنين بتتجسد في الأدوار اللي بيأدوها مع بعض عشان يطلع الدور كويس للجمهور وده زي ما احنا شوفناهم في المسلسل اللي قبل كده مسلسل اللي ملوش كبير واللي قدروا إنهم يجسدوا أدوارهم وكأنها حقيقة أمام الجمهور، وده ظهر لما كان العوضي بيدلعها ويقولها يا وحش الكون.
كمان الموضوع فعلا انعكس على الحقيقة لما الاتنين طلعوا مع منى الشاذلي وقالها ياسمين دي وحش الكون، مش بس كده دي لما منى قالتله عرفت حد على ياسمين فرفض يرد فقالت له منى يبقى تشيل ياسمين، العوضي رد وقالها وحش الكون مش بيتشال.
العوضي وياسمين عبد العزيز في ضرب نار
العوضي ظهر بقى في رمضان ده مع زوجته ياسمين عبد العزيز في مسلسل ضرب نار، واللي بيجسد فيه دور جابر اللي هو شغال في الممنوع عشان بيبع أدوية مغشوشة، مش بس كده دي مهرة اللي هي ياسمين عبد العزيز عايشة معاه ومتجوزين والدنيا حلوة.
ياسمين عبد العزيز تريد خلع العوضي
من أقوى المشاهد بقى في رأي الجمهور في مسلسل ضرب نار هو مشهد لما عرفت مهرة اللي هي ياسمين عبد العزيز إن العوضي بيبع أدوية مغشوشة وده اللي بيخلي فلوسه حرام، مش بس كده ده هو السبب الوحيد اللي خلاها تجري على محكمة الأسرة وترفع عليه قضية خلع، عشان تسيبه وتبعد عن فلوسه الحرام.
ياسمين عبد العزيز توافق على الجواز من ماجد المصري
طب مهرة اللي هي ياسمين عبد العزيز موقفتش لحد هنا، لأ دي بعد ما رفعت قضية الخلع على جابر اللي هو أحمد العوضي القاضي سألها إنتي عايزة تخلعيه ليه يا مهرة، المهم قالتله يا سيادة القاضي أنا عايزة أسيبه واطلق منه عشان فلوسه حرام.
الأهم بقى القاضي حكملها بالخلع وخد كل واحد منهم الورقة بتاعت الخلع، بس المهم إن العوضي أو جابر في المسلسل قطع الورقة بتاعته، وكمان ياسمين أو مهرة خدت بعضها وطلعت على ماجد المصري وقالتله أنا موافقة على الجواز بس بعد ما العدة تخلص وكمان أولد بس جابر ميعرفش إني حامل.
تعليق العوضي على رفع ياسمين دعوى خلع عليه
الفنان أحمد العوضي علق على دعوى الخلع، التي رفعتها ضده الفنانة ياسمين عبد العزيز في الحلقة الـ 12 من مسلسل ضرب نار، مش بس كده ده ضاف إن الجمهور بيربط بين قصتهم في الحقيقة والدراما والتمثيل.
ووضح كمان العوضي إن اللي حصل إن مهرة رفعت قضية على جابر مش ياسمين اللي رفعت خلع على العوضي في فرق، بس الجمهور بيتعامل مع مهرة وجابر على أنه ياسمين خلعت العوضي.
العوضي خلص كلامه بإن مشهد الخلع كان ماسترسين بالنسبة لهم، وقال كمان إنه من المشاهد المهمة في المسلسل، عشان كدة كانوا مستعدين له ومركزين جدًا، وحاولوا دايما يكسروا توقعات الجمهور، مش بس كده ده في ناس كتير تفاعلت مع المشهد.
