اعترافات وتفاصيل مرعبة يحكيها أهل عروسه طنطا التى جوزها خلص عليها بعد 48 ساعه فقط من فرحهم، الأهل يقولوا أن الزوج حاول يدخل على عروسته مثل أي عريس في الدنيا ةلكن لم يعرف فشك في نفسه وهنا قرر يخلص عليها هي لكي يدارى على نفسه.
ايه اللى حصل بالظبط في واقعة عروسة طنطا ؟ .. هل الزوج فعلا خلص عليها للسبب ده ؟ .. ولا هوا كان مهلوس زى مابيقول في الاعترافات ؟ .. كل ده وأكتر هنعرفه مع بعض في الفيديو ده.
النص: الحزن يعم طنطا، الكل حزين وزعلان على اللى حصل في بنتهم، البنت اللى حاولت تفرح زي أي بنت في الدنيا واتجوزت وكانت عامله حسابها يعني أن عريسها ده هيكون باب الهنا ليها، وللأسف كان باب نهاية حياتها.
العروسة رحمة الله عليها، خلص عليها عريسها بعد 48 ساعه بالظبط من فرحهم، كل مشكلته معاها انه ماعرفش يدخل عليها، ولما ماعرفش زهق وشك في نفسه وخاف أن هي تعايره بعد كده فا قام مخلص عليها، ده على حسب كلام أهلها واللى زادوا في الكلام وحكوا اللى شافوه بالظبط في أوضه نوم بنتهم، عم العروسة قال أن العريس كلهم بعد الواقعة على طول ولما راحوا يشوفوا فيه ايه لقى ان بنتهم مرمية على الأرض بطنها مفتوحة بتنزف من كل مكان، وكمان لقى صوابع من أيدها مقطوعة، شفتم البشاعة وصلت لحد فين.
المهم أن بعد اللى حصل ده العريس حاول يبرأ نفسه من اللى حصل، وقال للناس بعد ما مسكوه أنه شك في أخلاق مراته، مرة يقول انها مش بكر ومره يقول أنه كان شارب حاجة ومش في وعيه نهائي وعمل عملته دى وهو مش عارف بيعمل أيه ولا مدرك أي حاجة بتحصل، فهل تتخيلوا أن ده سبب كافى لتبرير جريمته دى .. اكتبوا رأيكم في التعليقات.
وعشان يكون رأيكم مبني على معطيات قوية وصحيح، نلفت نظركم أن أهل البنت قالوا أنها بنت بنوت، والطبى الشرعى لما كشف عليها بعد الواقعة على طول أثبت كده، يعنى البنت سليمة مفيهاش حاجة من اللى كان بيدعيها الزوج المجرم وبيبرر جريمته بيها.
اللافت في الواقعة دى أن العروسة رحمة الله عليها لما أهلها راحولها تانى يوم الدخلة كانت مقابلتها ليهم هي والعريس حلوه خالص، ولا كان باين عليهم أي حاجة، عم العروسة قال أن أمها لما راحت تشوفها كانت فرحانه بيها وبتضحك والابتسامه ماليه وشها كله.
لحد هنا ونكون وصلنا لنهاية الفيديو، وقبل مانقفل بنطلب من حضراتكم انكم تترحموا معانا على العروسة رحمة الله عليها، وتدعوا لأهلها بالصبر والسلوان، وبردوا عايزينكم تشيروا الفيديو ده على صفحاتكم وتخلوا الكل يشوف الفيديو ويعرف حكاية العروسة دى وتكون قضيتها قضية مجتمع كامل عشان حقها يجي بسرعه وتكون فيه محاكمة سريعة لزوجها المجرم وياخد جزاه .
