انكشف السر.. آيتن عامر نكشف مفاجأة عن السبب الحقيقي وراء انفصالها

قالت الفنانة أيتن عامر: “لحد دلوقتي بتخانق مع أختي وفاء عامر بسبب تصريحها الشهير بإن الست هي المسئولة عن خيانة زوجها لها، ولحد هذه اللحظة أنا رافضة التصريح تماما”.

وأضافت أيتن عامر خلال لقائها ببرنامج “العرافة” المذاع على قناة “النهار”: “الست عمرها ما كانت مسئولة عن خيانة الراجل”.

وأكدت: “وفاء عامر كانت رافضة طلاقي، وعمر ما كان للخيانة مبرر، والست مش مسئولة عن خيانة الراجل ليها، والرجل بطبعه لا تكفيه امرأة واحدة بنسبة تصل إلى 90%، وإلا مكنش ربنا حلل لهم التعداد”.

وأكدت أيتن عامر، أن السبب الحقيقي وراء طلاقها كان الخيانة، متابعة: “لما كنت مخطوبة تعرضت للخيانة ولما اتجوزت اتخنت”.

ولفتت: “فيه خلافات مع طليقي ولكني أنا وأبو أولادي مش هنقف قصاد بعض قدام المحاكم أبدا مهما يحصل، ولكن أنا رد فعل لو رفع عليا قضية هدافع عن نفسي، ورفعت قضية ضده بسبب قيامه هو بقضايا ضدي، وواقعة اعتدائه عليا في الكومباوند وخطف الأطفال الأمن الخاص بالكومباوند هو اللي بلغ”.

وأكدت: “أنا وطليقي لاَخر يوم في حياتنا هنبقى زي ناقر ونقير، ومش كل اتنين بينفصلوا بيبقى علشان بطلوا يحبوا بعض ولكن أحيانا الانفصال علشان ميكرهوش بعض وممكن الواحد يبقى جنبه حد مش أمين عليه علشان كده بقول يارب ارزقني على الصحبة الصالحة اللي تدلني على الخير، وطليقي ممكن يكون حد بينصحه غلط”.