خلاص القرار طبق، ومن اليوم ستدخل السعودية بكل سهولة،وبدون أوراق ،ولا إجراءات صعبة وفى 3 أيام بس هتكون واخد التأشيرة! ووداعا لمشاوير السفارة خلاص!
بيقولك السعودية إعتمدت خلاص التأشيرات الإلكترونية ولغت لاصق تأشيرات العمل والزيارة والإقامة الصادرة من بعض القنصليات فى المملكة من حوالى 7 دول ومنهم طبعا مصر.
إيه حكاية النداء العاجل من السفارة السعودية للمصريين اللي عايزين يسافروا السعودية؟ وياترى تكلفة التأشيرة الإلكترونية دي كام؟وهل ليها شروط معينة؟ هل هتكون فى صالح المصريين المسافرين ولا مش هيكون فى جديد؟ أعرف التفاصيل وإنت اللى هتحدد.
كل اللى إتقال طول الفترة اللى فاتت إتنفذ ..الساعات اللى فاتت أعلنت الهيئة العامة للطيران السعودي، عن قرار جديد ومهم بيخص المواطنين في 7 دول ” الامارات ومصر والاردن، واندونيسيا والفلبين، والهند وبنجلاديش بشأن اعتماد التأشيرات الإلكترونية، الخاصة بالعمل والزيارة للقادمين إلى داخل المملكة العربية السعودية.
وبكده هيتلغى لاصق التأشيرة اللى كان موجود على جواز السفر، طيب البيانات والمعلومات بتاعت الوافد المسافر هتكون فين؟
هيتم إستبدال اللاصق ده بتأشيرة مطبوعة على ورقة منفصل ،وأكدت الهيئة إنه هيتم السماح لكل شركات الطيران
بنقل المسافرين القادمين الى المملكة حاملي التأشيرات سواء العمل والزيارة أو الاقامة في ال 7 دول دول بدون وجود لاصق تأشيرات، وهيتم التأكد من صلاحية التأشيرات من خلال رمز الإستجابة السريع ” كيو أر كود” وبكده السفر هيكون أسهل عليك كتير سواء مسافر السعودية سياحة أو زيارة أو تشتغل هناك!
فائدة التأشيرة الإكترونية.
بص يا سيدى لو خدت التاشيرة دى هتقدر تقعد فى المملكة بشكل قانونى ولمدة 90 يوم ومش بس كده كمان صالحة للإستخدام لمدة سنة من تاريخ إصدارها.
وكمان من هتكون محتاج ترجع للكفيل علشان تقدم عليها، طيب علشان تعملها هل فى إجراءات تمشى عليها؟.. أكيد طبعا ومفيش أسهل من كده.
هتدخل على موقع وزارة الخارجية السعودية ومنها على “منصة التأشيرات” وبعدها هتختار خانة تأشيرة الالكترونية وطبعا هتكتب بياناتك الشخصية وكل البيانات المطلوبة منك،,هتقدم كمان كل المستندات المطلوبة على موقع الوزارة زي جواز السفر والصورة الشخصية.
وكلها 3 أيام بالتمام والكمال وتكون التأشيرة فى إيدك، و ده طبعا تحريات الوزارة والتاكد من صحة المستندات بتاعتك اللى قدمتها، ومن ناحية الشروط متقلقش خالص!بسيطة جدا.
لازم أولا ميقلش عمرك عن 18 سنة..ولو أقل من 18 سنة لازم يكون شخص بالغ مرافق لهم “زى ولى أمر كده”،و متقلش مدة صلاحية جواز السفر بتاعك عن6 شهور من وقت دخول السعودية.
قدر تدفع رسوم التأشيرة الإلكترونية من على الموقع ..اللى هى كام؟
حسب ما نشره موقع الوطن إنها بـ 535 ريال سعودي وهتكون متاحة لكل المسافرين من قائمة المملكة العربية السعودية عملاها لـ 49 دولة تقدر تدخل السعودية عن طريق التأشيرة الإلكترونية.
التأشيرة الإلكترونية دي جزء من مبادرة الحكومة السعودية واللي بتستهدف بيها تطوير القطاع السياحي وتسهيل اجراءات الدخول للملكة لكل اللي حابين يزوروها..
وخلى بالك لو أى وافد ملتزمش بالقرار ده اللى أصدرته الهيئة هيعتبر مخالفة صريحة للأوامر الحكومية، وهيتم اتخاذ إجراءات معينة فى الحالات المخالفة دى ..خليك فى المضمون وإأعرف اللى ليك واللى عليك.
في نفس الوقت وجهت السفارة السعودية بالقاهرة نداء لكل المصريين اللي عايزين يسافروا السعودية أنهم دلوقتي يقدروا يقدموا على التأشيرة الإلكترونية وياخدهوا بكل سهولة ويروحوا المملكة في أي وقت.
قولنا رأيك في القرار ده؟ وهل هيحل أزمة التأشيرة للسعودية لكل المصريين اللي عايزين يسافروا المملكة؟.. قول لنا رأيكم في التعليقات.
