فن و مشاهير

«عندي قدرات خارقة».. خالد محمود يرعب ياسمين عز على الهواء

حل الفنان خالد محمود، الساعات الماضية، ضيفًا في برنامج “كلام الناس” مع الإعلامية ياسمين عز، على قناة MBC مصر .

وخلال اللقاء كشف خالد محمود، عن تمتعه بقدرات خارقة قائلًا: “هي حاجة اتطورت معايا وأخدت مراحل، في الأول كنت ممكن أقول لك التليفون هيرن وفلان اللي بيتكلم، الباب هيخبط دلوقتي وهيكون فلان، ويطلع صح، فالناس كانوا بيندهشوا”.

«عندي قدرات خارقة».. خالد محمود يرعب ياسمين عز على الهواء

وتابع: “القدرات أتطورت بعد كده بشوية وماكنش في حد بيعرف يكدب عليا، لو بتحكي لي موضوع وتكدبي عليا فيه، أعرف ويجي لي صورة بكل الحدث اللي حصل بالظبط، وكل أصحابي ماكنوش بيعرفوا يكدبوا عليا”.

وأكمل: “كانوا بيقفلوا السكة في وشي، بس أنا بتعامل مع الموضوع إن ده طبيعي، وكنت لحد كده كويس، لكنها كبرت أكتر”.

وأضاف: “بقيت وأنا وقاعد ألاقي برواز أزرق جالي وطلع لي فيه حدث معين، خاص بحد من العائلة عندي، فبدأت أخاف لأنه كان بيتحقق خلال 24 ساعة”.

وأشار خالد إلى أنه ذهب إلى إمام المسجد، الذي أخبره أن ما يحدث له هو منحة من الله، وطلب منه عدم إخبار الآخرين بها حتى لا تزول.

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى