لا يوجد حديث على السوشيال ميديا إلا عن فرح حسن شاكوش الذي يفرح للمرة الثانية في حياته، من واحده اسمها ريم، تقريبا أول مره نراها على الشاشات قبل ذلك، وخلال الفرح عملت أكثر من تصرف غير مفهوم لازم.
إيه اللى عملته مرات حسن شاكوش في الفرح وخلى كل الموجودين مستغربين؟ وايه اللي قاله شاكوش عليها قدام الناس؟ وليه كانت بتسجدله؟ .. كل ده وأكتر هنعرفه مع بعض في الفيديو ده.
فرحه حسن شاكوش، أخيرا لقى بنت الجيران اللي سهرانة أنا عنيا وعاملين فرح قلبين فيه مصر كلها، بس اللى حصل خلال الفرح مخلى الكل مستغرب مش عارف ايه اللى بتعمله العروسه، لأن حصل منها تصرفات كده خلال الفرح قلقت الناس من يمها.
احنا هنركن موضوع العروسه دلوقتي ونأجله لآخر الفيديو عشان نعرف نتكلم عنه براحتنا لأن الحركة اللي عملتها الحقيقة فيها كلام كتير ولازم ياخد وقته
دلوقتي هنعرف مع بعض إزاي حسن شاكوش أصلا عرف زوجته ريم واللى بيقول أنها أول مره تظهر على الساحه الاعلاميه نهائى، دي حتى ماعندهاش فيس بوك ولا تويتر، ولا حتى اكونت على تيك توك تنشر عليه صور وفيديوهات ليها.
اومال حسن شاكوش عرفها إزاي ؟
اتضح وعلى حد كلام حسن شاكوش في لقاء تلفزيوني على هامش حفل زفافه المقام الليلة بأحد الفنادق الكبرى بوسط القاهرة، أن قصة حبه مع عروسته ريم طارق بدأت من سنوات، حد هيقولى ازاى وهو من سنوات كان متجوز واحده تانيه ومفرجين على بعض الدنيا كلها، الحقيقه معرفش بس هو بيقول كده.
المهم شاكوك قال إنه كان بيحب عروسته ريم، منذ سنوات، الوقت اللى كان ساكن فيه فى منطقة بولاق وكانت العروسه رايحه جايه على المنطقة اللى بيعيش فيها شاكوش، وحاول التقدم لها لخطبتها في ذلك الوقت، لكنه تفاجأ بأنها مخطوبة من شخص آخر، حتى ساقهما القدر و انفصلت عن خطيبها الاولاني ودلوقتي بقت من نصيب شاكوش ومراته على سنة الله ورسوله.
كده نكون عرفنا ازاي شاكوش عرف زوجته ريم، ودلوقتي يجي الدور على الفرح واللى حصل فيه النهارده ومراحل تجهيز العروسين للفرح.
في الأول كده الفرح كان خمس نجوم، شاكوش صارف في الفرح ومكلف على الآخر، عاملة في فندق 5 نجوم في وسط القاهرة، يعنى ليله الفرح دى مكلفه شئ وشويات.
قبل ما نقولكم على اللقطة الغريبة اللى عملتها العروسه وسجودها على الأرض قدام حسن شاكوش، اللى مش عارفين هي بتسجدله ولا إيه. هنقولكم الأول على اللى قاله شاكوش عن زوجته وهيعمل معاها إيه بعد الفرح على طول.
شاكوش كشف فى تصريح ليه أنه هيمنع زوجته أنها تغني أو تظهر في أي أعمال فنيه، لا معاه ولا مع غيره، لأنه على حد تعبيره راجل صعيدي ولايمكن ابدا يدخل مراته الفن.
نيجي بقى على أهم نقطة في الفرح كله، اللحظه اللى سجدت فيها زوجة حسن شاكوش على الأرض واللي ناس كتير في الأول كانوا فاكرين أنها بتسجد له، وده تصرف غريب طبعاً، بس ستر ربنا عليها البنت حد وصل ليها الكلام وطلعت البنت اتكلمت وشرحت بنفسها تقصد ايه بالظبط من سجودها.
قالت إن سبب سجودها مع بدء الفرح أنها تشكر ربنا على اللى هي فيه، وأن حسن شاكوش دعوة دعتها لربنا سبحانه وتعالى وربنا استجاب ليها.
تفتكروا العروسه كانت تقصد كده فعلا ولا وأنتم فهمتم إيه من أول ما شفتوا الفيديو ؟
