تظهر وهي تطبخ وتعيش دور الشيف، هذا هو الظاهر للجمهور، لكن ما تقصده من أجل المشاهدات والفلوس أمر ثاني، ! بعيد كل البعد عن الطبخ، فهي ما يقال عليها ملكة جمال! ومكانها ليس المطبخ أكيد ! وهى تعرف ذلك.
البلوجر سارة العراقية خدت سكة مختلفة فى محتواها بمبدأ الطريق لقلب الراجل معدته ومفيهاش حاجة لو كان مع معدته قلبه كمان ..قدرت تقلب السوشيال ميديا بفيديوهاتها وحركاتها الجريئة ! وقال إيه بتطبخ يا جماعة!
سارة خطفت قلوب الجمهور ..وبقيت حلم كل راجل ! طبخ ولهلوبة ..ودلع مفيش بعد كده! ياترى مين سارة العراقية اللى قلبت التيك توك بفيديوهاتها وحركاتها الجريئة؟إيه قصتها وإزاى حققت الشهرة !
صورة إنتشرت لها على الفيس بوك الساعات اللى فاتت وقالوا أكيد مش هتعرفوا مين دى علشان وافقة بوشها ..مش هتصدق بتعمل إيه.
بتدخل المطبخ على سنجة عشرة..وكإنها رايحة مناسبة مثلا..مبهجة بطريقة خلت البنات تتصطدم على عكس العادى يعنى “دى داخلة مطبخ إيه الداعى للبهجة دى”! بتشغل الكاميرا والموسيقى علشان هى صاحبة مزاج ..بتطبخ طبعا ونفسها فى الأكل أكيد واضح! ..أصل الكتاب بيبان من عنوانه!
بيتابعها على التيك توك أكتر من مليون ونص متابع ..بسبب اللى بتقدمه ده!
سارة العراقية إعتمدت فى محتواها على نظرية شوق ولا تدوق.مش بتظهر طول الفيديو للجمهور، لإن طبعا الأساس عندها المطبخ، ومع ذلك كل اللى بيتفكر ميعرفش هى بتطبخ إيه! لدرجة إن حد فى الكومنتات قال قبل كده يا جماعة هى كانت بتعمل بيتزا لو محدش خد باله يعنى!
والحقيقة إن محتواها مش جديد،تقريبا كل المشاهير على السوشيال ميديا بيطبخوا، لكن هى طريقتها غير .
بتستعرض رشاقتها وجمالها، وبحركاتها بقيت قريبة للجمهو ر..هتقولى وده بردوا مش جديد ..بلوجرز كتير إتقبض عليهم الفترة اللى فاتت بسبب الأفعال والحركات الغير أخلاقية اللى كانوا بيعملوها فى الفيديوهات على السوشيال ميديا.. هقولك عندك حق وكلنا شوفنا ده، بس سارة قدرت تخلى الجمهور يستنى فيديوهاتها وقاعدين فى الأكونت بتاعها.
سارة إستغلت جسمها وجمالها قدام الكاميرا ..وخدتها من قصيرها وبقيت تعمل الفيديوهات دى، واحدة واحدة لاقيت المشاهدات بالملايين وطبعا الدولارات بالكوم! شغفها بالسوشيال ميديا زاد أوى وتعمقت فى المحتوى أكتر وأكتر وبقيت تخلع هدومها كمان قدام الكاميرا، ده على إفتراض إنها كانت لابسة هدوم.
إختيارها للإستايل الحقيقة ساعدها كتير مع رشاقتها ..ورقصها قدام الكاميرا تقول صافيناز، بس هى كلاسى شوية ..تحسها بنت ناس مش شعبية أو بنت بلد لا!
وده واضح جدا من حركاتها وأختيارها لنوعية الموسيقى اللى هترقص عليها قدام الكاميرا.
الحقيقة إن سارة عندها تنوع فى المحتوى ولوكيشن التصوير مقتصرش على المطبخ بس لأ! سارة يتصور من الجيم وهى بتعمل التمارين، وزى ما بتعمل الأكل وتخنكوا ..هتروح الجيم وتخسسكوا ! ولكن طبعا حركاتها الجريئة فى الجيم متفرقش كتير عن حركاتها من المطبخ.
وعلشان متهزقش ..والجمهور ميملش..بقيت بتخرج أوت دور تشوى على الشواية فى الهوا ..وبردوا ملتزمة بمحتواها الجرئ ، أصله ده مبدأها فى الحياة كده!
دخلاتها للفيديو مختلفة ..مش هتلاقى بداية فيديو زى التانى ..مرة تدخل تلعب كورة ولابسة تيشرت محمد صلاح ..ومرة وهى بترفع الفاكهة وتنزلها ولا أجدها شيف .. تقطيعها للخضار والفاكهة بتقول إنها محترفة ..أما وقفتها قدام البوتوجاز بتقول إنها محترفة بردوا!
حتى لما صاحبتها ظهرت معاها فى بعض الفيديوهات، كانوا بيعملوا نفس الحركات بالظبط، ويمكن أكتر كمان، سارة عندها هدف، وبتسعى لتحقيقه.وهى عارفاه وكلنا عارفينه بس عمرنا ما نقول!
بس كل اللى الجمهور بيقوله وبيطالب به إن الفيدوهات دى تتوقف وسارة تتحاسب ..لإن فى الأول والأخر الهدف من الفيديوهات دى مش الطبخ ولا الرياضة فى الجيم ..الهدف غير أخلاقى وباين جدا من حركاتها الجريئة وتلميحاتها وإيحاءاتها الغير أخلاقية بالمرة ..إنتوا بقى رأيكوا إيه فى اللى بتقدمه البلوجر سارة العراقية!
