أسعار الحج و العمرة ارتفعت بشكل مبالغ فيه جدًا هذه السنة ووصلت لأرقام خيالية وولا يوجد أحد قادر أنه يقدم عليهم
لكن أنت تعرف أنك تقدر الآن تعمل حج أو عمرة وذلك لأن بنك فيصل بيقدم لك قرض الحج.
بس السؤال هنا: القرض ده بكام؟ وإيه الشروط المطلوبة؟ وفايدته قد إيه؟ وبيتسدد على كام سنة؟ وإيه البنوك التانيه اللي بتقدم قرض الحج؟
مين فينا ما بيحلمش أنه يحج ويزور بيت الله الحرام لكن بعد ارتفاع الأسعار وزيادة أسعار الحج و العمرة الضعف تقريبًا كتير من الناس فقدوا الأمل، لكن أستنى الفرصة لسه موجودة وده لأن بنك فيصل الإسلامي بيقدملك قرض الحج.
ما هي شروط قرض الحج؟
أنا أقولك البنك وضح الشروط والمستندات المطلوبة عشان تقدر تاخد القرض ده أولهم أنك تقدم صورة من بطاقة الرقم القومي وتكون سارية، كمان بتقدم أصل إيصال مرافق زي الغاز أو الكهربا أو المياه أو التليفون ويكون مكتوب فيه عنوانك.
كمان بتعرض عليهم سعر معتمد لرحلة الحج من شركة السياحة، كمان البنك حدد شروط خاصة للموظفين و شروط خاصة لأصحاب المهن الحرة.
أولا بالنسبة للموظفين بتقدم شهادة مفردات الراتب الشهري وتعهد من جهة العمل بتحويل المرتب أو القسط الشهري للقرض علي البنك.
ثانيا بالنسبة لأصحاب المهن الحرة والأنشطة التجارية والصناعية في الحالة دي بتقدم صورة من البطاقة الضريبية، كمان بتقدم صورة ترخيص أو تصريح مزوالة المهنة وصورة مستخرج رسمي حديث من السجل التجاري وبتقدم كشف حساب بنكي لمدة 6 شهور.
لكن السؤال هنا: القرض ده كام وبيتسدد في خلال قد إيه؟
بحسب موقع فيتو قيمة قرض الحج من بنك فيصل بتوصل لـ 500 ألف جنيه كحد أقصى وبيتسدد على مدار 5 سنين، بس بشرط عمر المقترض في حالة طلب القرض يكون مش أقل من 21 سنة و مايزدش عن 60 سنة عند سداده آخر قسط،وعلى فكرة المصاريف الإدارية للقرض ده بتترواح من 1% لـ 2% من إجمالي قيمة القرض، وبالنسبة لسعر الفايدة عليه فهي بتبدأ من 14% وبتكون فايدة سنوية متناقضة.
ماذا تعني الفائدة المتناقضة؟
بحسب موقع صدى البلد الفايدة المتناقضة هي واحدة من أنواع الفوايد اللي بيتم فرضها على القروض اللي البنوك بتمنحها للموظفين والشركات، وبتتحسب بناءا على قيمة القرض الباقية بعد سداد كل قسط مش على قيمة كل القرض.
بمعنى أن القسط الأول للقرض بتدفع الفايدة على كل المبلغ اللي خدته لكن القسط التاني بتدفع فايدة على المبلغ اللي اتبقي من القرض بعد ما سددت القسط الأول.
ومش بس بنك فيصل الإسلامي اللي بيقدم قرض الحج أنت عنك كمان بنك مصر بيقدم قرض الحج للموظفين وأصحاب المهن الحرة ومستحقي المعاشات وكمان لأصحاب شهادات الإدخار.
قيمة القرض ده من بنك مصر بيوصل لـ 400 ألف جنيه للحج و 100 ألف جنيه للعمرة بحد أقصى، مدة تمويل القرض ده بيوصل لـ 120 شهر بنسبة تمويل 100%.
ودلوقتي قولنا إيه رأيك في قرض الحج؟
