البنك العربي الأفريقي يطرح شهادة جديدة بعاد لن تتخيله

أن كنت فاكر إن السباق بين البنوك إنتهى تكون مخطئ وهذا لأن مفاجأت البنوك لم تنتهي ونحن اليوم سوضح تفاصيل  أجدد شهادة لأجل 3 سنين ستعطيك عائد لن تتخيله

فـ ياترى الشهادة دي في بنك إيه؟، وإيه الفرق بينها وبين الشهادات اللي موجوده في السوق.، فتعالوا نشوف ايه تفاصيل الشهاده الجديدة وتقدر تشتريها بكام؟

كل اللي عاوز يكسب فلوس وفي نفس الوقت يحوش قرشين للزمن يستفاد بيهم بعدين عنده فرصة حلوة أوي من البنك العربي الأفريقي الدولي

وده لأنه أعلن النهاردة عن طرح شهادة ادخار لـ أجل 3 سنين، والمفاجأة إن الشهادة دي هتقدملك عائد ثابت وهتقدر تشتري الشهادة دي بالجنيه المصري.

أما بقى سعر الفايدة عليها فـ مش معقول وده لأنه بيوصل لـ 19.25% وده طبعا عشان تقدر تنافس الشهادات اللي أصدرتها بعض البنوك الكبيرة سواء بقى الخاصة أو الحكومية.

وحسب تصريحات موظف عملاء شغال في البنك قالها لموقع مصراوي فـ الشهادة الجديدة الثلاثية أسمها (اميرالد) واللي بيطرحها البنك العربي الأفريقي بسعر فائدة 18.5% وبتقدر تصرف العائد بشكل شهري، وفايدة 18.75% وبتصرف بيها العائد بشكل ربع سنوي، و19% تقدر تصرف بيها العائد بشكل نص سنوي، و19.25% يصرف وفي الحالة دي هتصرف العائد كل سنة.

ولو خدت القرار وهتشتري شهادة البنك العربي الأفريقي فـ ضروري تعرف انه بيبدأ شراء الشهادة من أول 5 آلاف جنيه وكمان مضاعفات الألف جنيه، ده كمان الشهادة متاحة للأفراد الطبيعيين بس.

كمان تقدر تكسر الشهادة وتسحب فلوسك بعد مرور 6 شهور أو أكتر من تاريخ الإصدار، وده لأن البنك العربي الأفريقي الدولي بيسمح بكسرها بعد المدة دي

ومش بس كده ده احتساب العائد بيبدأ من يوم العمل التالي لشراء الشهادة.والمفاجأة إنك لو حبيت تاخد قرض بضمانها تقدر تقدم على القرض اللي يناسبك.نيجي هنا بقى لأهم سؤال ياترى ليه البنوك بتطرح شهادات ادخار الفترة دي؟

هقولك ياسيدي بعد قرار البنك المركزي برفع سعر الفائدة 2% على الإيداع والإقراض في آخر اجتماع ليه في مارس اللي فات.

ومن ساعتها بدأ عدد كبير من البنوك الكبيرة الخاصة والحكومية في إنها تطرح شهادات ثلاثية للعائد الثابت المرتفع بأسعار فائدة وصلت لـ 19% و20% سنوياً.

المفترض إن البنوك تعلن عن شهادات كتيرة عشان من خلالها تقدر تحافظ على العملاء بتوعها وفي نفس الوقت تجذب عملاء جدد.

و طبعا كان الهدف الأول للبنك المركزي من زيادة سعر الفايدة هو كبح جماح التضخم- وتحجيم وتيرة زيادة الأسعار واللي زادت بشكل كبير وده كان تأثير انخفاض سعر صرف الجنيه مقابل الدولار.

ولو لسه مشترتش شهادات الادخار عندك فرصة تختار الشهادة الجديدة من البنك العربي الأفريقي، واللي هتديك أعلى عائد ثابت.

وبحسبة بسيطة لو قررت تستثمر 100 ألف جنيه في الشهادة الجديدة هتكسب في السنة الواحدة 19250 جنيه.

أما لو استثمرت الـ 100 ألف جنيه دول لمدة 3 سنين ودي مدة أجل الشهادة هتكسب 57 ألف و750 جنيه

ودلوقتي بقى قولولنا شايفين إيه أحسن استثمار في مصر دلوقتي؟ وهل تفضلوا تحطوا فلوسكم في شهادات ولا دهب ولا عقارات؟