منوعات

أغلى وجبة سحور في مصر بـ7716 جنيه تثير الجدل

وجبة سحور في مصر بـ7716 جنيه، فماذا حدث وما سبب هذا السعر المبالغ فيهن تابعونا من خلال هذا التقرير لعرفة التفاصيل:

معروف يعني إن مصريين كتير بييفضلو ياكلو وجبة السحور برة البيت وده عشان يستمتعوا بأجواء رمضان المميزة خصوصا في القاهرة.

وطبعا بعد موجة الارتفاعات في الاسعار اللي المصريين بيعيشوها خاصة بعد زيادة أسعار الدولار مقابل الجنيه وتأثر اقتصادات العالم كله بالحرب الروسية الأوكرانية، كل حاجة بقت حرفيا غالية.

لكن إننا نسمع عن وجبه سحور بـ7 الاف جنيه دي جديدة ياترى إيه المميز فيها عشان تكون بالسعر ده وهل في حد في مصر يقدر يشتريها؟

بص ياسيدي في أماكن كتير في مصر بتقدم السحور بأسعار غالية، فمثلا عندك مطعم مشهور في القاهرة هتقدر تستمتع فيه بوجبة إفطار على ضوء القمرواللي بتقدملك من أشهر طهاة عالميين على متن مركب فيرست نايل بوت ودي عبارة عن يخت بيطل على نهر النيل.

حد هيقولي بردو ليه هدفع السعر ده في وجبة؟هقولك ياسيدي أولا هي مش وجبه واحدة دول 2 فطار وسحور أما بقى أنواع الأكل اللي بيتقدم في الفطار والسحور في مطعم السفينة دي بيكون متنوع بين 3 نكهات لبنان واليونان وإيطاليا وآسيا ومصر.
مثلا هتلاقي هناك الدجاج البرياني، ولحم الضاني المشوي، ونودلز الروبيان التايلاندي، ده غير بقى عندك السلطات والمقبلات المستوحاة من اليونانية، ده غير كمان البيتزا والمخبوزات، وبكده هتكلفك الوجبتين فطار وسحور في المطعم ده حوالي 7716 جنيه.

طيب هل دي أغلى وجبة سحور في مصر ؟أيوة دي فعلا كانت تفاصيل أغلى ليلة سحور وفطار في مصر
لكن لو بتدور على أسعار هادية شوية وفي نفس الوقت تقدر تستمتع مع عيلتك واصحابك عندك بقا مطاعم مختلفة تانيه تقدر تزورها
وهناك هيقدمولك وجبات متنوعة حسب طلبك وبيكون السحور مميز بمجموعة رائعة من الأطباق بينها العجة والفول والفلافل ده غير كمان إنك ممكن تختار المكان اللي تحب تاكل فيه زي الحدائق اللي موجودة هناك أو قاعات شيك موجودة في المطعم.
ده انت كمان تقدر تخليهم يساعدوك في تنظيم فطار أو سحور في بيتك
أما بقى الأسعار ف دي انت اللي بتحددها حسب اللي هتختاره من القايمة ومفيش أي حاجة هتتفرض عليك غير اللي تطلبه.
عندك كمان خيم رمضانية كتيرة في القاهرة وهناك بوفيه الفطار بحوالي 1250 جنيه للفرد بحد أدنى 50 شخص يعني الأفضل تروحوا جروب شركة أو عيلة وخلي بالك السعر ده مش شامل الخدمة والضريبة.
أما بقى سعر قايمة السحور فيكون ثابت بـ 850 جنيه للفرد لأيام الأسبوع و(1100) جنيه في أيام الويك إند والسعر ده بردو مش شامل الخدمة والضريبة.
دلوقتي قولنا هل انت شايف من وجهة نظرك إنه عادي حد يدفع 7000 جنيه في وجبة فطار وسحور ؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى