لو فاكر أنك تعرف محمد بركات جيدا، فأنت نخطئ، هذا اللاعب ملئ أسرار، في التقرير التالي سنحاول مع بعض نكشف عن بعضها، وأول سر منها أن اللاعب كان سيبقى من نصيب نادى الزمالك.
أيه باقى الأسرار في حياة محمد بركات؟.. وإيه حكايته مع رجل الأعمال نجيب ساويرس؟ .. كل ده وأكتر هنعرفه مع بعض في التال:
محمد بركات النجم الأبرز في النادى الاهلى سابقا، اللاعب الاسطورى اللى كل جماهير الاهلى بتحبه وبتقدرة فوق الوصف، لبركات أسرار خاصة في حياته، بداية من وهوا لسه ولد صغير خالص كان بيهرب منهم في البيت وينزل الشارع يلعب كرة القدم، ومن هنا أصلا بدأت موهبته تكبر وتكبر.
لبركات حكاية ولا أغرب، تعرفوا أن محمد بركات في الأصل كان هيروح لنادى الزمالك، يقال إن عائلة محمد بركات كلها زملكاوية، من أول أصغر واحد فيهم لأكبر واحد، بيحبوا نادى الزمالك وبيشجعوه، حكاية بركات معاهم بقى لما واحد من عائلة بركات يشوف في بركات الموهبة الكروية ووقتها يقرر يساعده ويروح بيه لنجم في نادى الزمالك يقنعه يشوف اللاعب ويساعده في النادي.
لكن شاءت الظروف أن بركات ما توافقش معاهم ومقبلوش، ومن وقتها وبركات مش راحم الزملكاوية، بيعاقب فيهم من وقتها ومش سايب فرصة غير وبيرد بيهم على اللى عملوه معاه زمان.
بعدها بقى شاءت الأقدار أن محمد بركات يلعب للنادى الاهلى، ويبقى واحد من اللاعبين الكبار فيه، بركات كان قبل كل مباراة بقى يروح يبوس على إيد مراته، حبا فيها وطمعا أنه يكسب المباراة بعد رضاها.
مؤخرا بلغ محمد بركات إدارة النادي الأهلي باعتزاله لعب الكرة والسبب ببساطة خالص أن بركات بقى عنده 36 سنة.
ومش كده وبس ده كمان كان زهقان لأن الدورى وقتها كان باين عليه مش هيكمل، فعشان كده اعتزل.
بركات كان معتزل كمان اللعب الدولي من 2010 لما المنتخب ما تأهلش لكأس العالم في جنوب أفريقيا، وقتها قرر انه خلاص يوقف لعب خالص ويشوف سكة تانية.
ووقتها أعلن بركات أنه خلاص بطل كورة، هو بقاله 20 سنة بيلعب اساسي في الفريق من ايام السكة الحديد سنة 1993 لحد الإسماعيلي سنة 1998 وكسب دوري وكأس ولعب أفريقيا واحترف كمان فى أهلى جدة والعرب القطري 2003-2004، يعنى عمل كل اللى نفسه فيه في كرة القدم.
بركات لما قرر يبطل كرة القدم راح قدم برامج وكان واحد من أنجح البرامج في مصر لدرجة أن رجل الأعمال نجيب ساويرس من إعجابه بيه قرر انه ينتج هو الجزء التانى من البرامج، واسم البرنامج ده كان من اختيار محمد بركات وقال مع أشرف عبدالباقي الكابتن مدحت شلبى هو اللي طلع الاسم ده عليها بركات ملك الحركات.
محمد بركات ولد في 7 سبتمبر 1976 في حي الويلي وكان ثالث اخواته اللي هم 4 أولاد و 2 بنات..فى النهايه ايه رأيكم في حكاية محمد بركات، وايه رأيكم في لقب ملك الحركات ؟، هل شايفينه كده فعلا ولا لا ؟
