خلاص كشف المستور .كله بقى عينى عينك، يريد أن يتزوج في السر ويأخذ بيت بعيد ووينجب طفل صغير، إنه بدر خلف المثير للجدل دائما.
بدر خلف اللى لحد دلوقتى محدش يعرف هو عايز إيه ؟ولا عايز يعيش إزاى! مر بكل مرحلة وكل شعور أى بنت بتمر به فى حياتها ،تغيرات فسيولوجية ومزاجية وحصلت،جواز وإتجوز،شهر عسل وعمله فى المالديف،حتى الحمل كمان حمل وإختار إسماء البيبى مع الجمهور لحد ما خلف ،وحصل الإنفصال وقال ..خسرت حضانة بنتى!
قرر إنه مش هيقعد يبكى على الأطلال ..ولسان حاله قال راح قرد يجى مكانه غزال ونشر فيديو من كام ساعة كده بيرقص..مش هتستغرب لإن ده العادى بتاعه لكن الصدمة إنه عمل موف أون وبسرعة جدا وقرر يتجوز وفى السر! ..وهيمشى بمبدأ دارى على شمعتك تقيد..وده عز الطلب والله يابدر تبقى عملت جميل لكل جماهير السوشيال ميديا ..
كل اللى كان الجمهور عايز يتأكد منه ويعرفه إتعرف خلاص والجمهور قاله إظهر وبان عليك الأمان يا بدر يا خلف!بدر خلف كل يوم والتانى يبقى تريند بسبب تصرفاته الغريبة وتصريحاته الأغرب ،اللى سببت إستفزاز للجمهور والكل بيسأل؟معقول يكون بقى بنت حقيقى؟ واخرها إنه قرر يتجوز بعد إنفصاله..أيوة
بدرقبل كده نشر إختبار الحمل وقال إنه حامل،وكتب طلعت حامل من طليقى ..بعد ما خلف بقى نشر صورة وهو بيعيط ومنهار وكتب عليها حسبى الله ونعم الوكيل خسرت حضانة عيالى …
وفى التعليقات كان بيرد على الجمهور وهو ندمان إنه بقى بنت وقال سامحنى يارب إن بقيت بنت ،عمرك لا تحاولين تغيرين نفسك عشان احد، الي يقبلك بعيوبك او ينقلع ماوقفت عليه الدنيا..
بدر قال إن وراء كل أمرأة عظيمة نفسها ..وقرر إن زوجه الجاى هيكون عراقى أو سودانى حسب ما يلاقى بقى ،،وإستغرب ليه بنات السودان مش مقدرين جمال شباب السودان، وقال انا امنيتي احب سوداني كفايه تبذير بالنعمة..
بدر خلف قرر إن الدنيا مش هتقف على حد ،وجوازة باظت وإنفصل مش نهاية العالم يعنى ..وبطريقة غير مباشرة قدم عروض للزواج ويكون فى السر ،وإنه عايز بيت وعيال ورضا أوى كده ،
وده لما نشر فيديو ليه وهو بيرقص على أغنية تيجى نتجوز بالسر .. الصدمة بقى اللى ودت الفيديو ده فى حته تانية خالص ،وأغلب الجمهور وساب رقصه واللى بيعمله وركز فيه بس ..هنا إتكشف سر بدر خلف من حركة عملها فى الفيديو .. بدر طلع بيخدع الجمهور ،وكل اللى ظاهر للناس فى الفيديوهات والصور اللى بينشرها وهم ومش حقيقى ..كل المعالم والملامح الأنثوية بح بمجرد التنطيط والرقص ..كل حاجة رجعت لأصلها تانى ورجع بدر خلف الذكر بشحمه ولحمه ..
وكانت تعليقات الجمهور بين الإستغراب والصدمة والتريقة ..وطلبوا منه يرقص براحة شوية علشان الموضوع وسع منه وقالوله البالونات فرقعت ونزلت لتحت وعمليات التجميل تعمل اكتر من كده ..
محتواه مبقاش جديد على الجمهور..وعرف دماغه ماشية إزاى وبقى بدر خلف مادة للسخرية والتريقة،وأكيد هو بيشوف تعليقات الجمهور ومبسوط بكده والدليل إنه لسه مكمل فى نفس المحتوى من وقت ما إكتشف إن جواه أنثى وحس نفسه وحس إنه لازم يبقى بنت من جواه ومن براه كمان ..الموضوع مش موضوع مشاعر بس!
الكل اجمع إن اكيد حالته دى محتاجة علاج الموضوع مش موضوع ميول بس ،وفيه اللى أتاكد إنه لسه ولد ولكن هو حب إثارة الجدل والتريند بالطريقة دى ..ويبقى السؤال ياترى إيه الحل مع بدر خلف؟ خاصة إنه مش ممكن يكون شخص طبيعى أكيد،هو مش عارف هوعايز إيه؟ عايز يبقى راجل ولا بنت؟ ولو بنت محجبة ولا منتقبة؟
