مصطفى كامل يهاجم نجل حلمي بكر ويكشف أسرارا جديدة عن وفاته

قال الفنان مصطفى كامل، نقيب المهن الموسيقية: إن نجل الموسيقار الراحل حلمي بكر لم يخذلني، ولكنه تأخر في التقدير لوالده.

وأكد كامل أنه ليس من الطبيعي أن يبكي أو يحزن بشكل أكثر من أسرة حلمي بكر، بمن فيهم ابنه.

وأضاف أنه على الرغم من ذلك يشعر بحزن أعمق، ويشعر بأنه حزن على الموسيقار أكثر من ابنه، وهيمشاعر طبيعية تعكس العلاقة الخاصة التي كانت تربطه بالفنان الراحل

مقدمات معاناة حلمي بكر

وأضاف خلال تصريحات تليفزيونية:”كان فيه مقدمات بتقول إن حلمي بكر كان بيموت وبينتهي وقلت لابنه تعالى بدري ونلحق ونحاول وناخد شرف المحاولة،واليوم اللي قال هاجي فيه كان أمر الله نفد”.

تجاهل نجل حلمي بكر لحالة والده

وتابع:”قبل الوفاة بـ3 أيام كلمت هشام حلمي بكر، وقلت له الحق أبوك عايزين نلحقه وننقذه بسرعة، وهو اتأخر”.

عزاء حلمي بكر

ولفت:”شوفت حاجات كتير في عزاء حلمي بكر معجبتنيش، ولقيت ابن الأستاذ حلمي بكر نازل ببودي جاردات ومش عارف مين اللي مفهمه يعمل كده، ومش فاهمين حاجة لوضعه كان نازل يختصم أرملة والده، فلقيناه في منتهى الرومانسية في الأمور كلها وانا شوفت كده وده موقف يخلينا كلنا نصدم”.

وبكى مصطفى كامل بكاء حار، حزنا علي ما حدث في عزاء حلمي بكر، قائلا:”كل حد أولى بلحمه ويغير علي اللي منه، اللي ضايقني حاجات كتيرة عايز ابحث عن حقيقة اللي حصل له قبل وفاته وفوجئت بمودة ابنه مع أرملة أبوه بشكل غير يصدمني ولقيت ابنه واخواته وقرايبه اللي كانوا بيستغيثوا بيا من زوجته وهما معاها زي الفل بعد وفاته في العزاء وكإن محصلش حاجة منها”.