بالرغم من عدم تواجدها على السوشيال ميديا بشكل كبير، إلا أنه الحديث عنها يأتي دائما بالتزامن مع أي نجاح للفنان محمد رمضان، نتحدث عن زوجته الأولي التي لا يعرف أحد عنها شئ ولا حتى إسمها، تابعونا من خال التقرير التالي لكشف أهمالاسرار عنها.
محمد رمضان دايما بيتكلم عن زوجته التانية وحبه ليها، ودايما لما بيظهر معاه أولاده بيكونوا من زوجته التانية، أما زوجته الأولى عمره ماجاب سيرتها، وده الشيء اللي الناس كلها استغربت بسببه، وسألت ياترى ليه محمد رمضان بيرفض يتكلم عنها.
زوجته الأولى
اتجوز محمد رمضان من زوجته الأولى واللي كانت محجبة سنة 2008، وده كان قبل ما يحقق شهرته اللي موجودة دلوقتي، كان وقتها عنده 20 سنة، وحكي رمضان وقال إن اتقدم ليها وطلب من أهلها مهلة 5 سنين، علشان يقدر يدبر فلوس الجواز، خاصة وإنه كان لسه في بداية مشواره الفني، ولما كان بيقدم دوره في مسرحية “يماما بيضا”، شافه أمير عربي وأعجب بيه جدا، واداله قلم فيه فصوص ألماظ هدية، ولما رجع للمسرح اختلف هو وعلي الحجار وطرده من المسرح، وقتها خرج ومكنش عارف يعمل إيه.
قلم ألماظ فك أزمته
افتكر محمد رمضان وهو ماشي قلم إداهوله أمير خليجي هدية، دخل محل مجوهرات وسأل عن تمنه واكتشف إن سعره 150 ألف جنيه، فقرر إنه يبيع القلم ويتجوز بفلوسه، لكن بعدها ب4 سنين حصل خلافات بينه وبين زوجته وانفصلوا في هدوء بعدا جت بنتهم حنين للدنيا، وفي نفس السنة اتجوز زوجته التانية، واللي تقريبا استحوذت على كل حاجة في حياته، وظهرت معاه في كل مكان سواء سوشيال ميديا أو برامج، وخلفوا طفلين علي وكنزي، وعلق محمد رمضان وقال إن زوجته هي الحب الحقيقي اللي في حياته، وهي الوحيدة اللي قدرت تفهمه كويس، وتستحمل عصبية الراجل الصعيدي اللي بتظهر.
اتخلى عن زوجته بعد الشهرة
ناس كتيروا اتهموا محمد رمضان بإنه اتخلى عن زوجته الأولى بسبب إنها كانت محجبة، وهو خلاص بقى مشهور، مش بس كده ده كمان اتهموه بإنه كان بينه وبين زوجته التانية علاقة عاطفية، وعشان كده طلق الأولى، لكنه محمد رمضان دافع عن نفسه وقال إنه لما طلق زوجته مكنش معاه فلوس أصلا، ومكنش مشهور ولا حاجة، بالعكس ده استلف فلوس عشان يدفع ليها النفقة بالرغم من إنها كانت مبلغ صغير جدا، وقال إنها ست جميلة لكن للأسف مقدروش يكملوا ويفهمو بعض كويس
نسرين أبو النجا مراته التانية.
نسرين أبو النجا بدأت تظهر في الإعلام خاصة بعد الحادثة اللي حصلت ليها بعربيتها على المحور، ووقتها اتفتحت القضية واتحكم على السواق بتاعها بالسجن لأنه اتسبب في وفاة سواق تاني، وهي وصديقتها اتصابوا في الحادث.
اشاعات انفصال رمضان
وطبعا كل فترة بتظهر إشاعات عن إنفصالهم، وأشهر إشاعة إنهم اطلقوا عشان يتجوز حلال شيحة، بعد ما اشتغلوا مع بعض في مسلسل زلزال، لكن محمد رمضان دايما بيرد على الاشاعات دي بإنه بينشر صورة رومانسية ليه مع زوجته.
ورغم الاشاعات والطلاق بينه وبين زوجته الاولى، لكنه محافظ على علاقته ببنته الكبيرة حنين، ودايما بينشر صور معاها، وبيحاول يقوي علاقته بيها وبأولاده من زوجته نسرين، وآخر ظهور ليها كانت معاه في كليب بتاعه مصباح علاء الدين، ودايما بيحتفل بعيد ميلادها في حفلة كبيرة عشان يعوضها عن غيابه عنها.
