حركة غير أخلاقية من رونالدو أثارت الجدل في السعودية وسط غضب جمهور الشباب فى مباراة النصر والشباب الأخيرة بعد فوز النصر 3-2 وهذا تسبب في غضب الجمهور جدا.
إزاي كريستيانو رونالدو عمل كده قدام الناس؟ وليه أصلا عمل كده؟ وإيه مصيره؟.. تعالو نعرف التفاصيل فى التقرير ده
ياما بيحصل فى المباريات من لقطات بتقلب الدنيا سواء خناقات أو تصرفات من الجمهور .. لكن لما توصل لحركة غير أخلاقية من لاعب عالمى زى رونالدو لجمهور الفريق المنافس له فده تصرف الكل اتفاجئ به الساعات اللى فاتت ..
كل الحكاية إن النصر كان بيلعب مع الشباب على ملعب استاد الأمير فيصل بن فهد، ضمن منافسات الجولة الـ21 من مسابقة دوري روشن السعودي للمحترفين، لكن جمهور الشباب كنوع من استفزاز رونالدوا قعدوا يهتفوا باسم ميسي وأنه اللاعب الأهم.
لكن رونالدو نجح في تسجيل هدف النصر الأول في الدقيقة الـ21 من ركلة الجزاء،و البرازيلي أندرسون تاليسكا سجل الهدف الثاني وفى الدقيقة 86 سجل تاليسكا بردوا الهدف الثالت علشان يروح رونالدو ويقف قدام جماهير الشباب ويغيظهم انه فريقه فاز على الشباب 3-2 واحتفل بطريقة غير أخلاقية أثارت غضبهم، ووفقًا لصحيفة الجزيرة الرياضية السعودية، إدارة فريق الشباب قدمت شكوى رسمية للجنة الانضباط والأخلاق ضد رونالدو،بسبب تصرفاته وحركته غير الأخلاقية لجماهير الشباب.
وفعلا لجنة الانضباط بالاتحاد السعودي قررت فتح تحقيق معاه وخلال يومين هيتم تحديد مصيره بعد فحص لجنة الانضباط مقاطع الفيديو خلال آخر المباراة فوراً.. فياترى ممكن يرحل من الفريق ولا هيدفع غرامة؟
الحقيقة إن لائحة الدوري السعودي بتنص على أنه يجوز معاقبة أي لاعب بإيقاف مباراتين للسلوك المشين أو استخدام ألفاظ وإشارات غير اخلاقية تجاه المنافس أو أي شخص آخر بخلاف مسؤولي المباراة مع غرامية مالية حوالى بـ 20 ألف ريال سعودي..
البعض اتفاجئ من الحركة الغير أخلاقية اللى عملها رونالدو ، ولكن البعض قال إنه مش أول مرة يعمل الحركة الغير أخلاقيه دى كمان إن المرة دى احتفل على طريقة احتفال دييجو سيميوني، المدير الفني لفريق أتلتيكو مدريد خلال مباراة ريال مدريد، الموسم اللى فات.
رونالدو قبل كده اتحظ في نفس الموقف بسبب حركة أخلاقية عملها وده بعد مباراة النصر السعودي و شباب أهلي دبي الإماراتي ،و بالرغم من فوز النصر على شباب أهلي دبي في تصفيات دوري أبطال آسيا إلا إن رونالدو كان في قمة غضبه بسبب قرارات حكم المباراة وقتها ، و وقت خروجه من الملعب طلب منه واحد من أعضاء الجهاز الفني لفريق شباب أهلي دبي صورة سيلفي لكنه اتفاجئ بدفعة من رونالدو اللي رفض تماما إنه يتصور معاه في تصرف غريب منه..
طبعا هو فى فرق كبير بين التصرفين خاصة إن التصرف التانى هو مش تصرف ذوقى وخارج عن أخلاقيات اللعبة أكتر منه غير أخلاقى .. لكن تصرف رونالدو الاخير مع جماهير الشباب ماغضيش مشجعى الشباب بس ولكن كتير من مشجعى الدوري السعودى لانه كان تصرف غير متوقع من رونالدو تماما انه بعد فوز فريقه يحتفل بالطريقة دى ..
انتوا رأيكوا ايه فى تصرف رونالدو وهل فعلا كان بقصد حاجة من حركته اللى اتوصفت بانها غير أخلاقية وتتوقعوا مصيره هيكوت ايه؟ شاركونا فى التعليقات
